Vegen stengt til måndag
Vegen mellom Austrepollen og Nordrepollen blir tidlegast opna måndag føremiddag.
Det var i 15.30-tida laurdag at fylkesveg 49 vart stengt mellom Austrepollen og Nordrepollentunnelen, nærare bestemt ved Vassurene/Hovdabrekko. Stenginga skuldast ras/steinsprang, noko som skjer støtt og stadig på denne strekninga.
Opphavleg meldte Vegvesenet at vegen kanskje vart opna kring klokka 12.00 søndag. Men klokka 14.11 vart det opplyst at vegen vert stengt til 10-tida måndag. Då skal det gjerast ny vurdering om kor vidt det er forsvarleg å opna.
Artikkelen held fram under annonsen.
Bilete Grenda har fått tilsendt frå staden søndag, viser elles at det er mykje vatn i vegen kring Austrepollen.