Blant prosjekta til Kvinnherad Energi i 2017 var å installera elektrisk straum i Ågotelv hyttefelt. (Arkivfoto).

12 mill. i pluss

Kvinnherad Energi hadde eit godt økonomisk år i 2017. Rekneskapen enda med eit overskot på 12,6 millionar kroner.

Etter kommunestyremøtet torsdag 24. mai skal det haldast generalforsamling i det kommunalt eigde selskapet Kvinnherad Energi. I den framlagde årsmeldinga går det fram at kraftprodusenten hadde ei omsetning på 154,8 millionar kroner i fjor, ein auke på 9,3 mill. frå 2016. Botnlinja viser eit overskot på 12,6 mill., noko som er 3,2 mill. betre enn året før. Styret rår til å betala ut 4,5 millionar kroner i utbyte til kommunen.

Artikkelen held fram under annonsen.

I andre halvdel av 2017 starta arbeidet med å byta til nye AMS-målarar hjå kundane. Per dags dato er 6.700 målarar monterte. 50 personar har reservert seg mot slik målar, av desse har fire levert legeerklæring. Totalt har Kvinnherad Energi 7.313 nettkundar, ein auke på 49 siste året.

 

99 år

Gjennomsnittleg kraftpris var i 2017 på 26,9 øre/kWh. Året før var snittet på 23,3 øre. Dette er hovudgrunnen til auken i omsetningstala. Produksjonen i Hattebergsdalen var elles rekordhøg med 32,1 GWh.

Tek ein med dotterselskapet Kvinnherad Breiband i reknestykket, aukar omsetninga til 187,8 millionar kroner. Dette firmaet kan visa til eit resultat før skatt på 3,9 millionar.

Kvinnherad Energi har no 30 tilsette. Selskapet fyller 99 år i 2018.