Vil berga Haugastova
Det eldste folkehøgskulebygget på Vestlandet ligg på Halsnøy. No vil Venelaget for Halsnøy Kloster gjera ein innsats for å berga den snart 150 år gamle skulestova.
Bygningen ligg ved innkøyrsla til Sunnhordland folkehøgskule og har no byrja å merka tidas tann. Det var godseigaren på klosteret, Niels Juel, og Wollert Konow, av bergensk handelsslekt og norsk statsminister frå 1910 til 1912, som oppretta skulen i den ombygde paktarbustaden.
Juel var universitetsutdanna frå Tyskland innan mellom anna jordbruk, og stilte bygningen til disposisjon. Det vart den tredje folkehøgskulen i landet, og den første på Vestlandet då han opna i Haugastova 1. oktober 1868.
Artikkelen held fram under annonsen.
– Det er eit kulturminne som me synest det ville vera synd om forsvann. Difor vil me gjera ein innsats, seier Toril Romsø og Terje K. Skaare i Venelaget for Halsnøy Kloster.
– Me må få økonomien på plass før me kan starta med det fysiske arbeidet, fortel Skaare, som i praksis er å rekna som ein prosjektleiar for restaureringa.
Les meir i gårsdagens papiravis eller kjøp pdf-utgåva.