Velta over på taket
Ein uheldig bilførar opplevde nokre dramatiske sekund laurdag føremiddag.
Minuttet før klokka elleve fekk politiet melding om ei trafikkulukke ved Kvinnherad Vidaregåande skule.
– Bilen hadde køyrt oppå autovernet akkurat der det starta, og deretter rulla over på taket. Heldigvis vart det ikkje skader på føraren, ein mann i 70-åra, men bilen fekk naturleg nok skader, rapporterer politibetjent Knut Olav Myklebust.
Artikkelen held fram under annonsen.
Det vert truleg ikkje oppretta noko sak frå politiet si side, då hendinga skal ha oppstått som følgje av at eit insekt sette føraren ut av spel i nokre kritiske sekund.
– Bilen kom over i andre køyrebanen då han velta. Hadde det kome bilar i mot, kunne dette uhellet fort blitt ei ulukke, seier Myklebust.