– Vanskeleg å fatta

Statens vegvesen går inn for den midtre kryssinga av Langenuen. Men Sunnhordlandssambandet AS gjev ikkje opp kampen, og du kan her sjå filmen dei har laga for å presentera det sørlege alternativet.

Statens vegvesen sin nyaste rapport om ferjefri kyststamveg vart fyrst hemmelegstempla. Men etter at BT og NRK kravde innsyn, vart han offentleggjort på fredag. I denne rapporten kjem det også fram at vegvesenet går inn for ei løysing som inneber kryssing av Langenuen etter det midtre alternativet. Dette overraskar Benthe Bondhus, styreleiar i Sunnhordlandssambandet AS og fylkespolitikar for Sp.

– Det er så vanskeleg å fatta at dei ikkje ser nytteverdien av sørleg kryssing for både næringslivet og folket her, seier ho til Grenda.

Som ein del av arbeidet sitt har Sunnhordlandssambandet no fått utarbeidd ein liten film, der innhaldet delvis er bygd på Norconsult sin rapport som støttar det sørlege alternativet.

– Når du har sett filmen, så skjønar du kvifor ein bør velja sørleg kryssing, hevdar Benthe Bondhus.

SJå filmen her og les meir i dagens Grenda.