Toskete mopedkøyring

Politiet har dei siste dagane fått fleire meldingar om uvettig mopedkøyring rundt om i kommunen. Tysdag kveld stoppa dei to personar på Valen.

Politiet rykkte tysdag ettermiddag ut til ein stad på Valen etter meldingar om uansvarleg mopedkøyring. Nokon mopedistar køyrde utan hjelm og det var fleire som hadde passasjerar bakpå. Politiet fekk tak i to av mopedistane som begge fekk bot og ein alvorsprat med seg heim.

– Det er viktig at foreldra tek ansvar og sjekkar opp i om ungdommen deira køyrar ein moped som er i forsvarleg stand. Det er òg viktig at ungdommen veit at vegtrafikklova gjeld sjølv om ein køyrer moped, seier politibetjent ved Kvinnherad lensmannskontor Torgeir Fosse.