Stor bryggefest i Rosendal
Laurdag 30. juli vert det arrangert ein spennande heildagsfest i Rosendal. Det byrjar med aktivitetar i Skålagato, før det vert reke- og krabbebord med meir i Skålafjæro.
Regien for tiltaket har det nyskipa selskapet Rosendal Event, som Eli Kvalvågnes og Jarle Samuelsen står bak. Dei opplyser at festen startar med tilbod, skattejakt og aktivitetar i gata, før ein går i prosesjon ned til Skaaluren-kaien for nye påfunn.
– Der vil reke- og krabbebordet stå klart. I tillegg planlegg vi fiskekonkurranse, kajakkpadling og mykje god underhaldning. Ein flott yacht vil ta interesserte med på fjordcruise med innlagde moglegheiter for gode fotomotiv. Det vert tre rundar på kvar 1,5 time, opplyser Kvalvågnes.
Artikkelen held fram under annonsen.
– Vi har lyst å få til noko no når sommaren endeleg kjem, legg ho smilande til.