Samla til fjelltur

Onsdag fekk kommunens 8. klassingar ein forsmak på livet som ventar på vidaregåande.

I skjønn foreining gjekk 182 elevar frå Åkra, Hatlestrand, Rosendal, Husnes og Øyatun saman med sine komande klassekameratar på fjelltur til Vardhaugselet.

– Dette er einaste gongen i året at alle 8. klassingane er samla i lag. Noko vi synest er utruleg kjekt, seier leiar i Kvinnherad Turlag Kjell Yri.

Dagens «Opptur» er eit årleg arrangement i regi av Kvinnherad Turlag. I strålande solskin vandra elevane frå kappellet ved Valen Sjukehus opp til Nordfjell vidare til Vardhaugselet og ned Olderbotn.

– Denne turen handlar om å oppleva det naturen har å by på, det er ingen konkurranse og ikkje om å gjera å vera førstemann opp. Nyt naturen og det den har å tilby, god tur, sa Yri før det bar til fjells.