Palfinger vil kjøpa Harding

Tysdag sendte den internasjonale industrigiganten Palfinger ut melding om at dei ynskjer å kjøpa Harding.

Til Sysla.no seier Harding Safety-sjef Styrk Bekkenes at det står att forhandlingar, og at Harding ikkje er kjøpt enno. Men han legg til at dei håpar å vera i mål i løpet av to vekers tid.

I ei pressemelding sendt ut tysdag kveld skriv Palfinger at dei har intensjonar om å kjøpa 100 prosent av aksjane i Herkules Harding Holding as, som eig Harding-gruppa.

– Det er ein svær transaksjon, og me håpar me kjem i mål, seier Bekkenes til Sysla.

Det er no nokså nøyaktig tre år sidan Umoe Schat-Harding og Noreq var kjøpte opp av Hercules Holding og deretter vart fusjonerte. Kjøpesummen då var på 1,2 milliardar kroner til saman. Hercules Holding eig litt over 90 prosent av aksjane i Harding Holding, medan Styrk Bekkenes sit på kring i underkant av fem prosent av aksjane.

Grenda kjem med meir om salsplanane i torsdagsavisa.