Hydro Husnes fekk eit fint overskot i månadane april, mai og juni. (Arkivfoto).

Overskot i 2. kvartal

Hydro Husnes opplyser at stabil og god drift sikra eit overskot før renter og skatt på seks millionar kroner i 2. kvartal, mot eit underskot på fjorten millionar i 1. kvartal.

– Trass i litt lågare metallprisar i norske kroner har vi snudd underskotet frå førre kvartal til overskot. Hovudgrunnen til det er at organisasjonen har klart å halda produksjonen på eit veldig stabilt og høgt nivå, seier fabrikksjef Per Øyvind Sævartveit i ei pressemelding.

Han trekkjer spesielt frem elektrolysen som hittil i år har produsert i overkant av 900 tonn meir enn på same tid i fjor.

Artikkelen held fram under annonsen.

– Dei viktigaste bidragsytarane i denne samanheng har vore installasjon av nye og meir effektive celler i elektrolysen, og kontinuerleg arbeid med å optimalisere drifta. Tilsvarande har støyperiet ein produksjonsvekst på om lag 4.000 tonn samanlikna med fjoråret. Vi ser betring i sentrale utbytte- og effektivitetstal gjennom heile produksjonsstrengen, seier Sævartveit.