Kvinnherad Turlag arrangerte tur i samband med opninga av Buførevegen på laurdag. (Foto: Kåre Eik).

Opna Buførevegen

Utsendingar frå Kvinnherad hadde sentrale roller då Jondalsdelen av Buførevegen vart opna på laurdag.

Prosjektet starta i 2011. Etter seks års hardt arbeid og innimellom forseinkingar på grunn av snø og regn, er endeleg den 17,1 kilometer lange vegen frå Botsvatn i Jondal over fjellet til Reisæter i Ullensvang ferdig. Deler av traseen vart opna ved Reisæter i 2014, men no når heile løypa ligg ferdig, var det på sin plass med ein ny seanse, denne gong ved Botsvatn.

Svein I. Opdal frå Seim var hyra inn til å føreta opninga og halda tale.

Artikkelen held fram under annonsen.

– Eg la vekt på at Folgefonn-kommunane laga kvar sine prosjekt i samband med det nasjonale tiltaket «Naturen som kulturarv». Buførevegen opnar opp for naturfenomen, men handlar i like stor grad om å restaurera eit gamalt kulturminne. Vegen kan daterast attende til 1590, og var viktig for at bøndene på Reisæter skulle sikra seg næringsgrunnlag. Men pilegrimsvegen, som delvis følgjer same løypa, har nok vore brukt endå tidlegare av folk som søkte læking i Røldal, seier den tidlegare prosjektleiaren hjå Folgefonna nasjonalparksenter.

Les meir i Grenda i morgon eller kjøp pdf-avisa.