|
|
|
Vil ikkje dela opp Kvinnherad |  | | Det er heilt uaktuellt å dela opp eller slå Kvinnherad kommune i saman med andre, seier ordførar Synnøve Solbakken. |
| | | | Eivind Nævdal-Bolstad (H) ser for seg å dela Kvinnherad i tre for å få større og meir robuste kommunar. – Dette er ikkje eit aktuelt tema, seier tre av dei mest profilerte politikarane i Kvinnherad. | | | Både ordførar Synnøve Solbakken (A), Ole Torbjørn Holmedal (FrP) og Knut Prestnes (Sp) er einige om at å dela opp Kvinnherad kommune og slå delane saman med andre kommunar for å verta større er utenkjeleg .
– Dette forslaget er laga for at enkelte har eit behov for å få større merksemd, det heile er heilt urealistisk, seier Holmedal.
| | | Godt som det er
– Eg trur dei fleste innbyggjarane i Kvinnherad er godt nøgd med kommunen slik den er i dag, med sine 13.000 innbyggjarar. Etter at me har fått tunnelar og fleire nyttar seg av internett, er avstanden blitt vesentleg kortare anten ein skal nå offentlege eller private tenester, seier Frp-politikar Ole Torbjørn Holmedal.
– Den einaste grunnen eg ser for at me i Kvinnherad skulle ha ein debatt om deling eller samanslåing måtte vera ut frå at innbyggjarane i kommunen sjølv ynskjer det. Dersom ein køyrer ein time med bil på austlandet kan ein oppleve at ein på den tida har køyrd igjennom mange kommunar. På same køyretida i Kvinnherad er ein ikkje komen igjennom halve kommunen, dette fortel mykje om kor langstrakt kommunen vår eigentleg er. Ut frå dette treng me i alle fall ikkje ein større og lengre kommune der større avstandar skapar større utfordringar, sluttar Holmedal
| | | Interkommunalt samarbeid
– Eg har ikkje hefta meg så mykje med utspelet i avisene frå Nævdal-Bolstad, seier Knut Prestnes (Sp).
– Sanninga er at Kvinnherad kommune har ordningar som gjer at det me ikkje har sjølv, samarbeidar me med nabokommunar om. Me har til dømes eit interkommunalt innkjøpsamarbeid og ein del samarbeid innan helse utover kommunegrensene som fungerer ganske bra. Men som me sikkert kan jobba enno meir med å forbetra. Utfordringa framover vert den nye helsereforma, men den lyt me ta når ho kjem. Eg ser difor ingen grunn for at Kvinnherad skulle ha nokon form for gevinst med eit utspel som dette, og kan difor ikkje føya Nævdal-Bolstad på nokon som helst måte, seier Prestnes.
| | | Må bli invitert av andre
– Einaste grunn for at me skulle setja saka om å verta større på dagsorden, måtte vera at ein eller fleire småkommunar kom til oss med spørsmål om å bli ein del av Kvinnherad, seier ordførar Synnøve Solbakken. Eg har elles ikkje registrert nokon form for eit ynskje som dette i det politiske miljø, uansett parti her hos oss. At deler av kommunen, som ser det meir formålstenleg å verta ein del av ein annan kommune, tek dette opp, er heilt uproblematisk å diskutera.
– Korleis ser du på eit eventuelt politisk utspel frå stortinget om å tvinga kommunar å slå seg saman?
– Det ville vore tragisk dersom det vart aktuelt å tvinga kommunar til å slå seg saman, og eg trur heller ikkje det kjem til å skje, seier Solbakken. | | | | |
|
|
|
 | | | | | | | Hjortland og Sundfjord på landslaget | | Les meir | (31.08.2010) | | | | Sølv og bronse til Bennæs | | Les meir | (31.08.2010) | | | | Skal velja privat tilbydar | | Les meir | (26.08.2010) | | | | Snart 3,5 km tunnel | | Les meir | (26.08.2010) | | | | Kan bli fleire banktilsette | | Les meir | (24.08.2010) | | | | 13 mister arbeidet i Husnes Røyr konkurs | | Les meir | (24.08.2010) | | |
| | Nyhendearkiv | | |
 | |  |
|
| |
| Meiningsmåling |
| Kva tykkjer du om dei planlagde kraftlinjene i Hardanger? | | |
|
|
| | |
 | |  |
|
| |
|
