|
|
|
15,4 millionar i pluss |  | | Adm. banksjef Åsmund Kåre Rørvik og resten av Kvinnherad Sparebank presenterer eit monaleg forbetra rekneskap for 2009, målt mot det svært svake 2008-resultatet. (Arkivfoto). |
| | | | Kvinnherad Sparebank betra resultatet med 24,4 millionar kroner frå 2008 til 2009. Dermed enda fjoråret med eit overskot etter skatt på 15,4 mill. kroner. | | | Forstandarskapen i Kvinnherad Sparebank, også kjent som Sparebank 1 Stord Kvinnherad Odda, godkjente torsdag rekneskapen for 2009.
– Både netto renteinntekter og inntekter frå andre produkt og tenester er svært bra, opplyser banken i ei pressemelding, og karakteriserer 2009 som eit godt år.
| | | Tap på utlån
Driftsresultat før tap og skatt gjorde eit kvantesprang i rett retning frå 2008 til 2009. I fyrstnemnde år vart det eit overskot på berre 5,8 millionar, medan fjoråret gav ein pluss på 34 mill. Men samstundes må banken svelgja tap og nedskrivingar på utlån, samt kredittap på obligasjonar, på til saman 15,9 mill. kroner. Dermed enda årsresultatet etter skatt på 15,4 millionar kroner.
Konsernrekneskapen gav elles eit årsresultat på 28,2 millionar kroner, ei betring på heile 49 millionar frå året før. Dei heileigde dotterselskapa KS Rekneskap (no seld) og KS Eigedom fekk høvesvis eit underskot på 0,2 millionar og eit overskot på 0,9 millionar kroner.
Brutto utlån auka med 8 millionar til 3104 mill. Innskota auka med 89 mill. til 2055 mill. Innskot i prosent av utlån var ved nyttår 66,2.
– Banken har som målsetjing å auka innskotsandelen ytterlegare, heiter det i pressemeldinga.
Av overskotet er det sett av 1,5 millionar kroner til banken sitt gåvefond.
| | | Godt grunnlag
– Resultatet til banken for 2009 er monaleg betre enn det vanskeleg året 2008. Den underliggjande, vanlege bankdrifta har vore svært god. Alle tilsette har igjen vist at dei kan driva bank i ein organisasjon i endring med stadig nye krav til kompetanse og med bruk av nye rutinar og system, helsar adm. banksjef i årsmeldinga, og meiner det er lagt eit godt grunnlag for at Kvinnherad Sparebank skal verta ein enda betre bank for kundane og lokalsamfunna i 2010.
Når det gjeld framtida, skriv banken at overgangen frå 2009 til 2010 er prega av forsiktig optimisme, men legg til:
– For oss er nok framtidsutsiktene i oljeserviceindustrien og verftsindustrien det som gjev størst grunn til uro i 2010.
Banken hadde ved nyttår 52 fast tilsette. | | | | |
|
|
|
 | | | | | | | Hjortland og Sundfjord på landslaget | | Les meir | (31.08.2010) | | | | Sølv og bronse til Bennæs | | Les meir | (31.08.2010) | | | | Skal velja privat tilbydar | | Les meir | (26.08.2010) | | | | Snart 3,5 km tunnel | | Les meir | (26.08.2010) | | | | Kan bli fleire banktilsette | | Les meir | (24.08.2010) | | | | 13 mister arbeidet i Husnes Røyr konkurs | | Les meir | (24.08.2010) | | |
| | Nyhendearkiv | | |
 | |  |
|
| |
| Meiningsmåling |
| Kva tykkjer du om dei planlagde kraftlinjene i Hardanger? | | |
|
|
| | |
 | |  |
|
| |
|
