|
|
|
Klare for «Young Star» |  | | Ragnhild Femsteinevik ble ein og tre på helgas Vestlandsmeisterskap. Ho er dermed kvalifisert for årets «Young Star»-konkurranse i Holmenkollen, saman med storebror Martin. |
| | | | VIK I SOGN: Ragnhild Femsteinevik (15) blei ein og tre, medan storebror Martin (16) blei to og tre på helgas Vestlandsmeisterskap i skiskyting. Dei to er dermed kvalifiserte for Young Star-konkurransen i Holmenkollen tredje helga i mars. | | | – Det var eit av sesongens prioriterte mål, seier dei to.
Det er dei 30 beste 15-16 åringane av kvart kjønn i landet som får gå konkurransen som går World Cup helga i Holmenkollen. Det er første gong søskenparet frå Hatlestrand er med. Ragnhild var for ung i fjor, medan Martin då var langt frå å kvalifisera seg.
Ragnhild blei nummer tre på laurdagens normalprogram. Då skaut ho to bom (30 sekunds tillegg på kvar), og ho var 35 sekund bak klubbvenninna i Hålandsdalen Ingvild Berlandstveit som vann. Sundag var ho nesten minuttet framfor nummer to på sprinten etter berre ein strafferunde (ca 12 sekund).
– Eg gjer eit godt, og eit dårleg renn denne helga. Laurdag gjorde eg eit svært dårleg langrenn. Eg blei tidleg stiv, og eg fekk aldri fart på skia, seier Ragnhild som hadde langt piggare bein sundag.
– Sjølv om eg skaut ein bom meir, blei det ein mykje betre plassering. Då gjorde eg ein god konkurranse, avsluttar ho.
| | | Fekk formstigning
Martin Femsteinevik gjorde klart årsbeste då han vart to på normalen og tre under sprinten. På normalprogrammet gjekk han feilfritt på standplass. På sprinten blei det to strafferundar.
– På Kvalfossprinten blei eg 20 og 31. I helga var eg på nivå med fleire som var topp fem i Oslo for berre to veker sida. Spesielt i sporet er eg mykje betre enn det eg har vore dei to siste sesongane, seier Martin, som bestemt meinar at han ikkje har gjort betre langrenn sida han blei sjuk.
Martin som fekk blodkreft i november 2007 understrekar at det var stort å komme med til «Young Star» konkurransen.
– Det var overraskande, og derfor dobbelt gledeleg, avsluttar han.
| | |  | | Vilde Netland tok to bronsemedaljar i helga. |
På pallen
Vilde Netland (13) blei nummer tre begge dagar i helga.
– Eg er klart mest nøgd med laurdagens normalprogram. Då skaut eg tre bom (1-2), sundag blei det fire (1-3). Farten i sporet var bra begge dagar, oppsummerar Vilde.
På Kvalfossprinten blei ho nummer ti eine dagen.
– Sesongen har starta veldig bra. Det eg gjorde i helga er tett på årsbeste, konstaterar ho.
| | | – Hadde håpa på betre
Thomas Netland (16) blei fire og fem i helga. På Kvalfossprinten var han rundt nivået til Martin.
– Mens Martin har hatt ein veldig formstigning sida konkurransen i Oslo var ikkje det tilfelle med meg. Eg skaut åtte treff (på ti skot) begge dagar. Det er greitt nok, men eg er ikkje nøgd med farten i sporet, seier Thomas.
Neste store renn for Thomas er Hovedlandsrennet i Atla andre helga i mars.
– Då bør eg ha piggare bein, seier Thomas som ikkje går Hovedlandsrennet i langrenn på Nes i slutten av månaden. Det gjer derimot søskenparet Femsteinevik.
| | | Tekst og foto:
Rune Helle og Vit Pochman | | | | |
|
|
|
 | | | | | | | Hjortland og Sundfjord på landslaget | | Les meir | (31.08.2010) | | | | Sølv og bronse til Bennæs | | Les meir | (31.08.2010) | | | | Skal velja privat tilbydar | | Les meir | (26.08.2010) | | | | Snart 3,5 km tunnel | | Les meir | (26.08.2010) | | | | Kan bli fleire banktilsette | | Les meir | (24.08.2010) | | | | 13 mister arbeidet i Husnes Røyr konkurs | | Les meir | (24.08.2010) | | |
| | Nyhendearkiv | | |
 | |  |
|
| |
| Meiningsmåling |
| Kva tykkjer du om dei planlagde kraftlinjene i Hardanger? | | |
|
|
| | |
 | |  |
|
| |
|
