Marlene, Marilyn og Karina på Baroniet
Fredag held Kvinnherads eiga Karina Opdal to konsertar i den Røde Sal på Baroniet. Songaren har fått med seg Alex Hutton på klaver.
Cabareten heiter «Marlene, Marilyn & Me», og er sett saman av kjærleikssongane til dei legendariske stjernene Marlene Dietrich og Marilyn Monroe.
– Songar og skodespelar Karina Opdal har sjølv lang tilknyting til Baroniet. Som ung var ho sesongarbeidar ved slottet, og i fjor hadde ha det kunstnariske ansvaret for jubileumsframsyninga «En kjærlig hilsen». I år står ho sjølv på scenen i den Røde Sal, skriv Baroniet Rosendal i ei pressemelding.
Artikkelen held fram under annonsen.
Med seg har Karina jazzpianisten Alex Hutton frå London. Han har jobba tett med Karina sidan 2003.
– Det ligg til rette for ei inderleg og forførande avslutting av sesongen, i stjernene si eiga ånd. «Høgt heng dei, og glitrande var dei, og mangt hadde dei å seia om das Leben und die Liebe, life and love...», heiter det i pressemeldinga.