Kristin Isdal Eide og resten av Strupebandet er klare med to førjulskonsertar. (Arkivfoto).

Lys i mørketida

Strupebandet med orkester og solistar vil prøva å tenna lys, håp og juleglede på to førjulskonsertar i år, først i Valen kyrkje på fredag og deretter i samfunnshuset på Halsnøy laurdag.

Sidan konsertane er ganske tidleg i desember, er det både julemusikk og andre ting på programmet.

– Me prøver å ha med ein del av dei fine gamle julesongane kvart år, og så er det kjekt med litt nye ting også, for koret og gjerne også for publikum. Me likar alltid å ha med litt klassisk musikk på konsertane våre, det blir det også denne gongen, og elles songar som speglar litt tida vi er inne i, skriv Strupebandet i ei pressemelding.

Artikkelen held fram under annonsen.

Det står også litt gospelmusikk på repertoaret, og så har dei med nokre nye solistar - den eine i den klassiske og den andre i den litt livlegare, rytmiske sjangeren. I tillegg er dei faste solistane med.

- Det blir konsert i Valen kyrkje, og for heimepublikummet på Halsnøy dagen etter. Orkesteret vårt er som alltid Hallgeir Tvedten, Roy Faste Særsten og Rhune Dahle, og vi har også med vår faste saksofonist Audun Tvedten, opplyser Strupebandet.