Lastebilen glei utfor vegen på glatta.

Lastebil utfor vegen

Ein lastebil hamna måndag i 08.00-tida utfor vegen ved Hjelmeland i Omvikdalen då den var på veg opp i dalen for å lassa av.

– Det var stålis, så eg sklei berre bakover. Det er klart det var skummelt, det er ikkje gøy når det går baklengs. Det var ein kjip start på dagen, kan du seia. Ein skikkeleg blåmåndag, seier sjåføren som ikkje vil ha namnet sitt i avisa.

Då Grenda var ved staden måndag føremiddag venta han og ein kollege på bergemannskap som skulle komma frå Odda.