HMR har sikra kontraktar for 200 mill.
HMR-bedriftene på Husnes og i Årdal har vunne fram med fleire kontraktar for Hydro sitt pilotprosjekt på Karmøy.
Gladmeldinga kunne HMR offentleggjera måndag føremiddag.
– HMR er stolt over å ha blitt tildelt desse kontraktane, og at vår kompetanse blir verdsett når verdas mest energi- og miljøeffektive aluminiumsverk skal byggjast. Kontraktane skapar tryggleik for tilsette i HMR Husnes AS og HMR Hydeq AS, som med dette blir ansvarlege for gjennomføring av avtalene, går det fram av ei pressemelding.
Artikkelen held fram under annonsen.
Kontraktane består av tre store leveranser:
* HMR skal levere framtidas tappesystem, som består av tappekjøretøy, digelfres og anna utstyr.
* HMR skal også levera strømskinnesystem til likerettarane som underleverandør til Siemens.
* HMR er også valt som underleverandør til Bilfinger på komplettering og montering av overbygg og fabrikasjon og installasjon av strømskinner til de 60 omnane i Hydro sitt pilotprosjekt på Karmøy.
– Disse kontraktane vil gi auka sysselsetjing for HMR-konsernet både i Årdal, Husnes, Voss og Bergen. Til saman utgjer leveransane ein storleik på 50-60 årsverk. Gjennomføringa av prosjekta er frå sommaren 2016 til hausten 2017, vert det opplyst.
– Konsernsjef Knut Prestnes er glad for at HMR vann fram i en hard global konkurranse om desse kontraktane, som gir HMR eit veldig travelt år. Det er svært positivt for lokalsamfunna der HMR-bedriftene er lokalisert, samt for alle tilsette i HMR og for ein del underleverandører, skriv HMR.