(Illustrasjonsfoto)

Fleire kontrollar ved skulestart

Torsdag er det slutt på ferietid og skulane i Kvinnherad startar opp igjen for fullt. Politiet ber bilistane vera ekstra varsame og kjem sjølv til å vera synlege i trafikken.

– Vi kjem til å ha fleire kontrollar og vera synlege i tilknyting til skulevegane rundt om i kommunen. Som følgje av at skulane startar opp igjen vert det automatisk fleire barn og ungdommar som anten ferdast på sykkel eller går langs vegen, så det er viktig at bilistane er observante og opptrer varsamt, seier politioverbetjent ved Kvinnherad lensmannskontor Sigurd Børve.