Filmpremiere i Dalheim

Tysdag 23. august er det klart for ei storhending i ungdomshuset i Omvikdalen. Då vert det nemleg premiere på NRK sin tv-serie «Helt naturlig».

Tv-serien er spelt inn i Kvinnherad, Hol og Hof. I utgangspunktet er det laga fire episodar. Filmteamet har med glimt både frå Omvikdalen og Matre, og Hans Ølver Sandvik og hans familie spelar ei sentral rolle. Kvar episode er på 40 minutt, og vil bli kringkasta i sendetida til «Ut i naturen».

Fjernsynspremieren skjer tysdag 30. august på NRK 1. Men allereie veka før kan interesserte få sjå fyrste episode i Dalheim. Samstundes vert ei rikt illustrert bok om serien lansert. Elles på programmet står velkomstdrykk og servering av speka reinsdyr, røykt fjellaure, elgkarbonadar og blåbærmuffins. Arrangementet er i regi av Villmarksfoto og Kvinnherad kommune.