Femteplass i KM-debut
Sindre Omvik (Rosendal Turnlag) debuterte i seniorsamanheng i 3 km KM i terrengløp på Skansemyren i Bergen i helga.
I eit bra stort felt, og i ei variert og knallhard løype, sprang han inn til ein flott femte plass i eit sterkt felt. Vinnaren Halfdan Emil Færø (Varegg) vart nyleg nr. 11 i terreng NM, 17 sekundar etter NM-vinnaren. Han var berre 46 sekundar føre Sindre Omvik, den tidlegare fotballspelaren frå Omvikdalen. Etter spurten mangla Omvik berre 20 cm på å henta inn fjerdeplassen.
– Dette var knallhardt, men interessant og kjekt. No ser eg kor eg står i høve til dei beste, og eg vart ikkje skremt. Trass alt har eg berre tre månadar samanhengande, seriøs trening bak meg. Og eg ser at eg er på rett veg og har gjort mykje rett. Med meir og betre trening framover, skal det vera muleg å kappa godt ned på forspranget til dei beste framover sommaren, seier Omvik via trenaren Jostein Hatteberg.
Artikkelen held fram under annonsen.
Komande sundag stiller Omvik til start i terrengløpskarusellen, i det nyoppliva Baroniløpet i Rosendal.