Erna vitja Harding

Det var ein opplagt og feststemt statsminister som vitja Kvinnherad i går ettermiddag.

Erna Solberg er i kommunen fordi ho og mannen var inviterte i 60-årsdagen til tidlegare kulturminister Thorild Widvey.

-I kveld er det stor festivitas på Baroniet, og i morgon skal vi ein tur til Bjelland, fortalde statsministeren fredag ettermiddag.

Widvey har feriehus på Bjelland i Åkra, og er fast gjest i Kvinnherad.

Når statsministeren likevel var i området, vart det stelt i stand eit møte på Harding, der Styrk Bekkenes fekk fortelja om utfordringane ved å driva eit livbåtselskap frå ei lita vestlandsbygd. Erna fekk også ei oppdatering på Palfinger sine planar for selskapet.  Etter kvart kom også Hydro-sjef Per Øyvind Sævartveit for å møta statsministeren.

-Harding er ei bedrift midt i oljeverksemda, og har eit perspektiv på korleis det er der for tida. Eg veit dei har fått kontraktar, men samstundes er det jo tøffe tider alle stader, sa Erna Solberg.

-Kva trur du det betyr for Harding å få besøk av statsministeren?

-Eg håpar jo dei synest det er hyggeleg at eg kjem. No er jo sanninga at dette er eit selskap med nær tilknyting til statsministeren sitt kontor. Statssekretæren min har nemleg vore styremedlem i Harding tidlegare, så vi høyrer om selskapet, sa ho.

-Kva betyr det for Harding å få besøk av statsministeren på bedriftsbesøk?