Elleville Karianne

Karianne Solheim avslutta premieren på sommarrevyen "Lika blid" med eit ellevilt nummer fredag kveld. Etterpå tok ho i mot ståande applaus i truse og singlet.

Karianne har så mykje sjarm, sjølvironi og galskap i seg, at ho vert både midt- og høgdepunkt kvar gong ho er på scenen. Men ho fekk god hjelp av mannen Nils Trygve Markhus, siddisen Kristian Arntsen og valebuen Trond Thorsen til å dra i land ein vellukka kveld. Det var ingenting å utsetja på stemninga i revyteltet ved Gry Helges på Husnes. Folk i feststemning lo allereie før opningsnummeret, og som vanleg enda publikum ståande på benkeradene i munter allsong. Her får du nokre bilete frå gårsdagen. Meir kjem i avisutgåva av Grenda på tysdag.