Driv som normalt
Sjølv om Rosendal Fjordhotel er blant hotella som er teke ut i streik går kvardagen som normalt i Malmangersvika.
– Det er ikkje alle tilsette som er medlemmer, så vi driver heldigvis som normalt her hos oss og gjestene merkar ingenting til det, seier dagleg leiar ved Rosendal Fjordhotel Arne Havnerås.
Etter at NHO Reiseliv og Fellesforbundet ikkje klarte å koma til einigheit om ein ny riksavtale for sine medlemmer i reiselivsbransjen, gjekk om lag 3.500 fagorganiserte frå 363 hotell, restaurantar og kantiner ut i streik måndags morgon.
Artikkelen held fram under annonsen.
Elleve timar over meklingsfristen gav partane opp forhandlingane rundt løns- og arbeidsvilkåra søndags morgon og streiken var eit faktum. Eit tiltak Havnerås meiner burde vore utdatert i 2016.
– Det er trist at ein i 2016 framleis skal måtta gå ut i streik i forhandlingar. Det burde vore mogleg å kommunisera på ein betre måte enn som så, men vi får håpa dei snart finner ei løysing på problemet, seier Arne Havnerås.