Bondekamp og rjomegraut i Revuro
Laurdag inviterer Revuro samdrift i Omvikdalen til open gard. Store og små kan få møta og kosa med dyr, og det vert både god mat og kjekke konkurransar for dei som kjem.
– Vi gler oss og er klare til å ta i mot store og små, seier Kjetil Mehl på vegner av samdrifta.
Arrangementet vert gjort i samarbeid med Omvikdalen bondelag, Omvikdalen bygdekvinnelag og Lauvsprett 4h. Dei to sistnemnde byr på rjomegraut og andre godsaker og bondelaget syt for å visa fram gris, storfe, hest og sau.
Artikkelen held fram under annonsen.
– Det vert høyhopping og andre aktivitetar arrangert av 4H. Og klokka halv to vert det bondekamp mellom ordførar og varaordførar, i tillegg til publikumsvenlege aktivitetar, seier Mehl.