Ariar og viser
Den neste veka står operaariar og visesong på programmet til Baroniet Rosendal. Og så kjem Kari Bremnes attende for å halda tre konsertar.
Kulturprogrammet til Baroniet held fram med full intensitet. I morgon kveld er det Åse Kleveland med band som inntek Borggården. Dei skal framføra konserten «Intet menneske er en øy – En musikalsk hyllest til livet».
Søndag opptrer Tenorane i Borggården.
Artikkelen held fram under annonsen.
– Tenorane og Steffen Horn er tilbake med ei kritikarrost framsyning smekkfull av klassiske perler, sjølvironiske betraktningar, ein slump alvor og store mengder humor. Vakker song blir avløyst av sjølvironisk harselas over eigne divanykker. Ærlege refleksjonar over eigne liv går hand i hand med ville historier om usannsynleg kjærleik, lokkar gjengen.
Opplevingar
Tysdag, onsdag og torsdag er Kari Bremnes attende i Borggården. Ho er ein av dei mest populære artistane som vitjar Rosendal, og saman med bandet vil ho garantert syta for nye minnerike opplevingar.
Neste torsdag vert det elles føredrag med professor emeritus Gunnar Skirbekk i Den røde sal.
Under overskrifta «Krise og medansvar» vil han snakka om flyktningkrisa og utfordringane som følgjer med.